Chamak Kannada Movie Review
Kannada Movie Chamak Ganesh Review
ಕಲಾವಿದರುಗಣೇಶ್, ರಶ್ಮಿಕಾ ಮಂದಣ್ಣ, ಸಾಧು ಕೋಕಿಲ, ಹನುಮಂತೆ ಗೌಡ್ರು, ವಿಜಯಲಕ್ಷ್ಮಿ ಉಪಾಧ್ಯ, ಸುಮಿತ್ರಮ್ಮ
ನಿರ್ದೇಶಕಸುನಿ
ಚಿತ್ರದ ವಿಧRomance
ಅವಧಿ2 hrs. 15 Min.
*ಶರಣು ಹುಲ್ಲೂರು

ವರ್ಷದ ಕೊನೆಯಲ್ಲಿನಿರ್ದೇಶಕ ಸುನಿ ಮತ್ತು ಗಣೇಶ್‌ ಯಾವ ರೀತಿಯ ‘ಚಮಕ್‌’ ಕೊಡುತ್ತಾರೆಂಬ ಕುತೂಹಲ ಪ್ರೇಕ್ಷಕರಿಗಿತ್ತು. ಒಳ್ಳೆಯ ರೀತಿಯಲ್ಲಿಯೇ ಚಮಕ್‌ ಕೊಟ್ಟು, ನವ ವರ್ಷವನ್ನು ಬರಮಾಡಿಕೊಂಡಿದೆ ಈ ಜೋಡಿ. ಎಂತಹ ಪಾತ್ರಕ್ಕೂ ಒಪ್ಪುವ ನಟ ಮತ್ತು ವಿಭಿನ್ನವಾಗಿ ಯೋಚಿಸುವ ನಿರ್ದೇಶಕರ ಕಾಂಬಿನೇಷನ್‌ ಈ ಚಿತ್ರಕ್ಕಿರುವುದರಿಂದ ಚಿತ್ರಪೂರ್ತಿ ತಮ್ಮದೇ ಸ್ಟೈಲ್‌ನಲ್ಲಿ ಚಮಕ್‌ ನೀಡಿದ್ದಾರೆ ನಿರ್ದೇಶಕರು.

ಸಿನಿಮಾದ ಕತೆಯೇ ವಿಶೇಷವಾಗಿದೆ. ಅವನು ಹೆರಿಗೆ ಡಾಕ್ಟರ್‌ ಖುಷ್‌ (ಗಣೇಶ್‌). ಈ ಕಥಾ ನಾಯಕನ ಮದುವೆಗೆ ಹೆಣ್ಣು ಹುಡುಕುವುದೇ ಒಂದು ದೊಡ್ಡ ಕೆಲಸವಾಗಿರುತ್ತದೆ. ಬರುವ ಸಾಲು ಸಾಲು ಹುಡುಗಿಯರನ್ನು ರಿಜೆಕ್ಟ್ ಮಾಡುತ್ತಲೇ ಸಾಗುವ ಖುಷ್‌ ಬಾಳಿಗೆ ಕೊನೆಗೂ ನಾಯಕಿ ಖುಷಿ ( ರಶ್ಮಿಕಾ ಮಂದಣ್ಣ) ಪ್ರವೇಶ ಆಗುತ್ತದೆ. ಹೊಸ ಜೀವನಕ್ಕೆ ಕಾಲಿಟ್ಟವರು ಒಬ್ಬರಿಗೊಬ್ಬರು ಸುಳ್ಳು ಹೇಳುತ್ತಲೇ ಜೀವನ ನಡೆಸುತ್ತಾರೆ. ಒಂದು ಬಾರಿ ಇಬ್ಬರಿಗೂ ತಮ್ಮಿಬ್ಬರ ನಿಜ ರೂಪ ಗೊತ್ತಾಗುತ್ತದೆ. ಹಾಗಾಗಿ ಪರಸ್ಪರ ಒಪ್ಪಿಗೆಯಿಂದ ವಿಚ್ಚೇದನ ಪಡೆಯಲು ಮುಂದಾಗುತ್ತಾರೆ. ಡಿವೋರ್ಸ್‌ಹಂತ ತಲುಪಲು ಕಾರಣವೇನು? ಬೇರೆಯಾದ ನಂತರ ಅವರ ಜೀವನ ಹೇಗಿರುತ್ತದೆ ಮತ್ತು ಈ ಕುಟುಂಬದ ನಡೆಯೇನು ಅನ್ನುವುದೇ ಚಮಕ್‌ ಸಿನಿಮಾ. ಸೀದಾಸಾದ ಕತೆಗೆ ಚಮಕ್‌ ನೀಡುವಂತೆ ಚಿತ್ರಕತೆ ಹೆಣೆದಿದ್ದಾರೆ ನಿರ್ದೇಶಕರು. ಹಾಗಾಗಿ ಚಮಕ್‌ ಸಿನಿಮಾ ನೋಡುಗರಿಗೂ ಚಮಕ್‌ ನೀಡುತ್ತಲೇ ಸಾಗುತ್ತದೆ.

ಈವರೆಗೂ ಸದಾ ತುಂಟತನದ ಲವರ್‌ಬಾಯ್‌ ಪಾತ್ರಗಳಲ್ಲಿಮಿಂಚುತ್ತಿದ್ದ ಗಣೇಶ್‌ ಈ ಬಾರಿ ಫ್ಯಾಮಿಲಿ ಪ್ರೇಕ್ಷಕರ ನೆಚ್ಚಿನ ನಟನಾಗಿ ಬದಲಾಗಿದ್ದಾರೆ. ಕೇವಲ ಪ್ರೇಮಿಗಳಿಗೆ ಮಾತ್ರವಲ್ಲ, ಭಾವುಕ ನಟನೆಯಿಂದಾಗಿ ಮನೆಮಂದಿಗೂ ಕಣ್ಣೀರು ತರಿಸುತ್ತಾರೆ. ಇವರ ಲವ್ಲಿ ನಟನೆಯೇ ಸಿನಿಮಾದ ಮತ್ತೊಂದು ಪ್ಲಸ್‌ ಪಾಯಿಂಟ್‌. ಗಣೇಶ್‌ ಮಾತ್ರವಲ್ಲ ರಶ್ಮಿಕಾ ಕೂಡ ಸಿಕ್ಕ ಅವಕಾಶವನ್ನು ಸಖತ್ತಾಗಿ ಉಪಯೋಗಿಸಿಕೊಂಡಿದ್ದಾರೆ. ಲವಲವಿಕೆಯ ಮಾತಿನಿಂದಾಗಿ ಗಮನ ಸೆಳೆಯುತ್ತಾರೆ. ಸಾಧುಕೋಕಿಲ ಕಾಮಿಡಿ ಮತ್ತು ಸುಮಿತ್ರ ಅವರ ಅಭಿನಯ ಪ್ರೇಕ್ಷಕರಿಗೆ ವೋಡಿ ಮಾಡಲಿದೆ.

ಮೊದಲ ಸಿನಿಮಾದಿಂದ ಇಲ್ಲಿಯತನಕ ತಮ್ಮದೇ ಸ್ಟೈಲ್‌ನ ಸಿನಿಮಾ ಮಾಡುತ್ತಾ ಬಂದಿದ್ದ ನಿರ್ದೇಶಕ ಸುನಿ, ಆ ಮಾರ್ಗವನ್ನು ಇಲ್ಲಿಕೊಂಚ ಬದಲಿಸಿಕೊಂಡಿದ್ದಾರೆ. ಯೂತ್ಸ್ ಜತೆಗೆ ಇಡೀ ಫ್ಯಾಮಿಲಿ ಕೂತು ನೋಡುವಂತಹ ಕತೆಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಅದನ್ನು ಹೃದಯಕ್ಕೆ ಹತ್ತಿರವಾಗುವಂತೆ ಹೇಳಿದ್ದಾರೆ. ಕಥಾ ನಾಯಕ ಮತ್ತು ನಾಯಕಿಯ ಮದುವೆ ನಂತರದ ಸ್ಟೋರಿಯನ್ನು ಸಿನಿಮಾದಲ್ಲಿಹೇಳಿದ್ದರಿಂದ ನಾಜೂಕಾಗಿ ದೃಶ್ಯಗಳನ್ನು ಹೆಣೆದಿದ್ದಾರೆ. ಹಾಗಾಗಿ ಬೋರ್‌ ಆಗದಂತೆ ಚಿತ್ರಕತೆಯು ನೋಡಿಸಿಕೊಂಡು ಹೋಗುತ್ತದೆ.

ಸಿನಿಮಾದ ಮತ್ತೊಂದು ಪ್ಲಸ್‌ ಪಾಯಿಂಟ್‌ ಅಂದರೆ, ಜೂಡಾ ಸ್ಯಾಂಡಿ ಸಂಗೀತ ಮತ್ತು ಸಂತೋಷ್‌ ರೈ ಪತಾಜೆಯ ಸಿನಿಮಾಟೋಗ್ರಫಿ. ಎರಡೂ ಚಿತ್ರಕ್ಕೆ ಮತ್ತಷ್ಟು ಜೀವ ತುಂಬಿದೆ. ಇಡೀ ಸಿನಿಮಾವನ್ನು ಒಂದು ಪೇಂಟಿಂಗ್‌ನಂತೆ ಕಟ್ಟಿಕೊಟ್ಟಿದ್ದಾರೆ ಸಿನಿಮಾಟೋಗ್ರಾಫರ್‌. ರಶ್ಮಿಕಾ ಮತ್ತು ಗಣೇಶ್‌ ತೆರೆಯ ಮೇಲೆ ಇರುವಷ್ಟು ನೋಡುತ್ತಲೇ ಇರಬೇಕು ಎನ್ನುವಂತೆ ಚಿತ್ರಿಸಿದ್ದಾರೆ.

ಸಿನಿಮಾದ ಮೊದಲರ್ಧ ಮಾತಿನಲ್ಲಿಯೇ ಮನೆ ಕಟ್ಟಿದರೆ, ದ್ವಿತೀಯಾರ್ಧದಲ್ಲಿಕತೆ ಬಿಚ್ಚಿಕೊಳ್ಳುತ್ತಾ ಸಾಗುತ್ತದೆ. ಸೆಕೆಂಡ್‌ ಆಫ್‌ನಲ್ಲಿಚಿತ್ರಕತೆಯ ಓಟಕ್ಕೆ ಬ್ರೇಕ್‌ ಹಾಕಿದ್ದರಿಂದ ನಿಧಾನಗತಿಯಲ್ಲಿಪ್ರೇಕ್ಷಕರನ್ನು ನೋಡಿಸಿಕೊಂಡು ಹೋಗುತ್ತದೆ. ವರ್ಷದ ಕೊನೆಯಲ್ಲಿಚಮಕ್‌ ನೀಡಲು ಸುನಿ ಮತ್ತು ಗಣೇಶ್‌ ಬಂದಿದ್ದಾರೆ. ಈ ಕಾಂಬಿನೇಷನ್‌ ಸದಾ ಪ್ರೇಕ್ಷಕರ ಮನದಲ್ಲಿಇರುವಂತೆ ಸಿನಿಮಾ ಮಾಡಿದ್ದಾರೆ.